Mula sa pagkakasubsob ng mukha ni Grasya sa mga tuhod habang nakaupo sa ibabaw ng kama, ay nag-angat siya ng ulo. Narinig niya ang tunog ng pagbukas ng pinto ng kuwarto. Akala niya, si Helios na iyon. Pero nagulat siya nang ang kakambal nito ang nakasandal ngayon sa hamba ng pintuan at nakatitig sa kanya.
Napatuwid ang likod niya, napuno ng tensiyon. “Perseia...” sambit niya sa pangalan ng dalaga.
“Okay lang ba sa iyo ’to? Na nakakulong ka sa kuwartong ito?” tanong nito, nakatikwas ang kilay. “Tapos, hihintayin mo lang talagang bumalik si Helios at may mangyayari ulit sa inyo?”
Hindi niya alam kung ano ang isasagot dito.
Umungol si Perseia. “Huwag mong sabihing pinagbawalan ka rin niyang kausapin ako?”
Mabilis siyang umiling. “H-hindi po!”
Lumapit sa kanya ang kakambal ni Helios, h
