“Kung ayaw mong maparusahan, maging mabait ka lang dito at hintayin mo ako.” Kahit may tipid na ngiting nakaukit sa mukha ni Helios, ay puno naman ng madilim na pagbabanta ang timbre ng tinig nito. Tumungo na ito ng banyo. Pagkatapos nitong mag-shower, ay bumalik ito sa pinaka-silid nang hubad pa rin mula ulo hanggang paa.
Napatingin siya sa katawan ng lalaki. Iyon ang katawang palaging umiindayog sa ibabaw niya. Ang katawang palaging nakalapat sa kanya.
Dumerecho ito sa karugtong na silid ng pinaka-kuwarto. Doon nakahilera ang mamahalin nitong mga damit, pati na mga iskaparate kung saan naka-display ang mga relo nitong hindi basta-basta ang halaga.
Nagbihis ito. He wore an all-black, executive-cut suit. Bumagay iyon dito. Mas lalo itong naging maawtoridad at nakakaintimidang pagmasda
