“Grasya! Grasya!” paulit-ulit na sigaw ni Severen. Sumugod siya, malalaki ang hakbang patungo sa nakahintong sasakyan, ngunit hindi pa nga siya tuluyang nakakalapit ay hinarang na siya ng mga unipormadong kalalakihan. “Sindikato kayo? Saan n’yo dadalhin si Grasya? Iri-report ko kayo! This is kidnapping!”
Hindi nagsalita ang mga nasa harapan niya. Hindi rin nagbago ang walang pakialam na ekspresyon sa mukha ng mga ito.
Napu-frustrate na si Severen.
Para lang siyang nakikipag-usap sa hangin.
“Bingi ba kayo? Baka hindi n’yo ako kilala? Isa akong Morenzo! Kaya tumabi kayo riyan! Kilala ko ang babaeng tinangay n’yo! Pakawalan n’yo siya!”
Wala pa rin siyang nakuhang tugon. Pinagmasdan lang siya ng mga kalalakihan, na para bang walang timbang at kabuluhan ang mga salitang pinagsisigaw niy
