Maliwanag na nang umalis ng condo sina Alice at Mia. Mahimbing pa ang tulog nina Doughs at Anthony noon kaya hindi na nila ginising ang mga ito. Medyo maaga pa nang makarating si Mia sa bahay kaya naisipan niya na maglinis muna. Sa dami nang alikabok na naipon sa sahig, nawili siya sa paglalampaso hanggang sa tuluyan na niyang makaligtaan ang oras. "Naku, lagot! Late na ako," sambit niya nang mapatingin siya sa orasang nakasabit sa dingding. Agad niyang binitiwan ang hawak niyang walis atsaka siya patakbong umakyat sa itaas para magbihis.
Saktong ibinabaligtad na ng guard ang signage na hudyat nang pagbubukas, nang dumating siya sa restaurant. "Good morning, Ma'am," nakangiti at magalang na bungad ng guard sa kanya, bagay na hindi na niya napansin sa sobrang pagmamadali. Nginitian niya la
