“DAFFODIL... meron ka na naman n’yan? So, pinanindigan mo na talaga kay Adrian na iyan ang favorite flower mo, huh?”
Nagsalubong ang mga kilay ni Lara nang marinig ang patutsadang iyon ni Liezl. Tinapos niya ang pagbabasa ng magazine at isinauli iyon sa ilalim ng center table para ituon ang buong atensyon sa kaibigan. Umasim ang mukha niya nang makitang nakataas ang isang kilay nito habang nakatitig sa flower vase na kaharap.
“Hinayaan ko na. Maganda rin naman ang daffodils, eh,” palusot na lang niya. “Isa pa, totoo namang nabanggit ko sa kaniya minsan na I like what daffodils symbolize: rebirth and new beginnings. Kaya siguro iyon ang tumatak sa isip niya.”
“Pero sumisimbolo rin ang bulaklak na ‘yan sa unrequited love! Isn’t it quite insulting na makatanggap n’yan mula sa boyfriend mo?
