Terrence Pov
Hindi ko alam kung bakit hindi na siya nawala sa isipan ko. Hindi ko makalimutan ang mukha nito no'ng makita ko siya sa dalampasigan at umiiyak nang maihaon ko ito mula sa dagat. Alam ko naman ang pinagdadaanan nito dahil ako rin ang nakasagip sa kakambal nitong si Franchezca na palutang-lutang rin sa dagat limang taon na ang nakaraan.
Mahirap, at masakit ang nangyari sa kanila ni Franchezca at inaamin kong nakaramdam ako nang awa lalong-lalo na kay Francine. Pero hindi ko malimutan ang maamo niyang mukha kahit pa luhaan siya no'ng araw na 'yon.
'Pero kailan naman kaya ito babalik?' bulong ko sa sarili.
Nandito ako ngayon sa resort kung saan ko siya huling nakita. Balak ko itong bilhin dahil nabalitaan kong gusto itong ibenta nang owner magma-migrate na umano ito sa ibang
