“Tita Frydah!” Gulat na wika ni Fayeth nang malapitan ko s’ya pero agad kong tinapik ang babae upang bumalik ito sa kanyang huwisyo.
Oo nga at mukha ni Tita Frydah ang aming nakikita pero hindi ako maaaring magkamali dahil matagal ng wala ang aming tagapag-alaga. Hindi si Tita Frydah ang aming kaharap at sa halip ay si Abigur na walang pakundangan inangkin ang katawan ng mahal naming elementalist.
“Abigur!” Galit na wika ko at matalim ang tingin na ipinukol sa kanya. Hindi ko maaaring isipin na si Tita Frydah ang aking kaharap dahil magiging kahinaan ko lamang ito. Kailangan kong maging matalino sa panahon ngayon dahil tiyak kong may kung anong mangyayari.
Hindi ako makapaniwala na nandito na agad ang nilalang na ito. Sinilip ko ang likuran n’ya kung saan nagkalat doon ang mga kawal n
