“Tenanye at Huacas kayo muna ang una kong tuturuan dahil kayo ang nakagawa kanina ng ilan sa aking ituturo.” Anunsyo ni Orphen kaya tumayo agad ang dalawang tinawag. Nanatili naman kaming nakaupo lang para pagmasdan kung ano ang kanilang gagawin.
“Ang ginawa mo Tenanye ay tinatawag na Vines Storm kung saan kaya n’yong magpalabas ng napakaraming vines at gawin kung ano ang nais n’yo para sa bagay na iyon bilang inyong sandata.” Kung titignan mo ay tila guro nga si Orphen kung magsalita.
“Hindi ko alam na may tawag pala doon.” Manghang wika ni Tenanye. Napagtanto ko na kaya nilang gamitin ang kanilang mga kapangyarihan pero walang maayos na pagsasanay. Kumbaga sa pagiging crew sa isang food chain ay kailangan sundin mo ang standard upang perfect ang iyong gawain at huwag basta gawin ang
