SYRELLE KEYZA ALTAIR POV
Matapos ang maghapon na puno ng meeting, pag-aayos ng reports, at paulit-ulit na pag-check sa mga dokumento, ramdam ko na ang pagod sa buto. Ang mga mata ko ay parang may buhangin na hindi mapunasan ng kape kahit ilang tasa pa ang inom ko, ramdam ko nang lumulubog na ang enerhiya ko. Nang matapos na ang huling task at magkaprint na ang final copies, napahinga ako nang malalim at muntik nang ngumiti dahil naiisip kong sasapit na rin ang oras ng pag-uwi.
Pumasok ako sa opisina ni Ryker para magpaalam. Inabutan ko siya na nakatuon sa laptop, mukha’y seryoso ang mga kilay niya parang may sariling buhay kapag ganun. Nang tumingin siya sa akin, nagiba agad ang ekspresyon niya; yung dati’y istrikto at malayo, napalitan ng malambot at tahimik na pag-aalaga na hanggang n
