SYRELLE KEYZA ALTAIR POV
Pagkauwi ko sa bahay, halos wala na akong lakas. Tulala akong naglakad papasok, parang robot na inuulit lang ang kilos, at ni hindi ko na namalayang iniwan ko ang sapatos ko kung saan-saan. Ang bigat ng pakiramdam ko, hindi lang dahil sa pagod kundi dahil sa kung anong bumabagabag sa isip ko ang halik sa elevator, ang sinabi ni Mr. Lee na “akin ka na,” at ang eksenang muntik nang mahuli kami ni Niko sa opisina.
“Hoy!” sigaw ni Carla mula sa sofa, hawak ang unan at mukhang kakauwi lang din mula sa OJT niya. “Anong nangyari sa’yo? Tulala ka nanaman! Huwag mong sabihing may bago ka na namang iniisip tungkol sa boss mong dragon?”
Napatingin ako sa kanya, pero mabilis ding umiwas ng tingin. “Wala. Pagod lang ako.”
“Ewan ko sayo! Hindi ka marunong magsinungaling, Sy
