Leighton
Hindi ko na ininda ang sakit na nararamdaman ko sa may bandang dibdib ko. Huminga ako ng malalim habang inaalalayan ko pa rin si Charm.
Nang bigla na lamang syang sumuka. Hindi na sya nakarating sa banyo kaya sa sahig sya ng kwarto sumuka. Hinimas ko ang likod nya para mawala kahit paano ang nararamdaman nyang pagsusuka.
Pinahid nya ang kanyang bibig na may bakas ng mga isinuka nya.
"Pakitawag si Manang! Ipalinis mo na lang yan." Utos nya sa akin.
Naglakad pa sya patungo sa aming kama na sumusuray. Halos mag-ekis ang mga paa nya at alam ko matutumba na sya kapag ipipilit pa nyang maglakad.
Agad kong inilagay ang kanyang mga braso sa ibabaw ng aking balikat. Napatingin sya sa akin. Kitang kita ko ang lungkot sa mga mata nya. Batid ko ang mga problema sa pamamagitan ng k
