Nang makarating kami sa apartment ay agad kaming pumasok sa kaniya-kaniya naming unit. Dumiretso ako sa banyo para maligo dahil basang-basa ako ng ulan. Pagkatapos ay nagtungo ako sa kusina upang mag-toothbrush. Papasok na sana ako ng kwarto nang bilang may kumatok. Mabilis akong naglakad patungong pinto para pagbuksan ang nasa labas.
Bumungad sa akin si Andres na may dalang tasa ng tsaa. Sa kaniyang balikat naman ay may nakasabit na drawing tube at totebag na kulay itim na may tatak na Hogwarts: School of Witchcraft and Wizardry.
“Bakit?”
Kumunot ang noo ko nang dire-diretso siyang pumasok sa loob. Inilapag niya ang tasa sa mesa bago ako binalikan at hinila patungo sa sofa. Sumunod naman ako dahil na-curious din ako sa laman ng bag niya.
“Inumin mo ‘to.” utos niya sa akin.
Umiling a
