Nililibot ni Rim ang kanyang paningin ang loob ng bahay na kanyang inupahan. May kaliitan ito at isang palapag lang pero masasabing ayos na ito para sa kanya. May kusina, banyo at isang kwarto ang bahay. Nahahati ng batong pader na pininturahan ng kulay puti ang bawat bahagi ng bahay. Malinis at maayos naman ang titirhan niya kaya wala na siyang proproblemahin pang iba kundi ang mga gamit na ilalagay niya rito.
“Pansamantala ay dito na muna ako titira. Kapag nabawi ko na si Ashley ay lilipat kami sa mas malaking bahay at doon kami magsisimula ulit,” ani Rim. Sumilay pa ang ngiti sa kanyang labi. Tila nangangarap siya ng gising.
Pamaya-maya ay nagbuntong-hininga si Rim. Bigla niyang naalala si Sasha. “Ang sama ng ginawa ko sa kanya,” bulong niya. Alam niyang masama ang nagawa niya kay Sas
