Papasok na sana ng elevator si Ashley dahil babalik na siya sa kanyang opisina nang mapalingon at mapatingin siya sa gawi ng lobby. Huminto siya sandali at kumunot ang kanyang noo saka tumaas pa ang kanang kilay niya ng kanyang makita si Sasha na nasa harapan ng reception area at kausap ang receptionist na nandoon.
“Anong ginagawa niya rito?” tanong ni Ashley. Bumaba ang tingin niya. Napansin niyang may dala itong paper bag. Sumilay ang nakakalokong ngiti sa labi niya. “Magdadala na naman pala siya ng basura para ipakain sa basura niyang asawa,” bulong niya.
Samantala, ngumiti ng matamis ang labi ni Sasha pagkatapos niyang kausapin ang babaeng receptionist. Dala niya ang paper bag na naglalaman ng mga tupperware na may mga pagkaing niluto niya. Naisipan ni Sasha na dalhan ulit ng pagkain
