NAKATANAW sina Donabella, Ariela at Tatiana sa malaking bahay sa mataas na bahagi ng lupa. Bukas ang lahat ng ilaw at tahimik ang paligid. Inabot na rin sila ng gabi sa paghahanap sa vacation house ni Redford dahil naligaw pa sila sa katangahan ni Ariela. Naflat pa ang gulong ng sasakyan ni Tatiana kaya dobleng kamalasan ang inabot nila.
“Let's go na.” pag-aaya ni Ariela pero pinigilan ito ni Donabella.
Tiningnan ni Donabella ang sarili niya pati ang dalawa. “Hindi ba tayo magbibihis?”
“Paano tayo magbibihis, aber? May baon kang damit?” nakataas ang kilay na tanong ni Tatiana.
Napanganga si Donabella. Saka lamang niya naalala na naiwan niya sa mini bar ng La Fantasia ang paper bag na kinalalagyan ng damit niya.
“Let's go na kasi! As if naman pagpapantasyahan tayo ni Ford sa ayos natin
