Mahabang sandali na natahimik lang sila habang nakatitig sa isa’t isa. Mayamaya nagbago ang facial expression ni James, naningkit ang mga mata. “Iyan ba ang dahilan kaya kahit may gusto ka sa bestfriend mo hindi ka gumawa ng paraan para magbago ang relasyon ninyong dalawa? Kaya mas pinili mo magkaroon ng unrequited love sa isang lalaki nang mahabang panahon hanggang magdesisyon siyang magpapakasal na siya?”
Nagulat si Sasha na bigla nito binanggit ang tungkol kay Hosea. Ni hindi niya alam na natatandaan pa pala nito ang bestfriend niya. Mukhang nabasa ni James ang takbo ng isip niya kasi sumimangot ito at sinabing, “Hindi ko basta makakalimutan ang lalaking iyon. Siya ang dahilan kaya nasa hotel bar ka at nagpapakasaling. Even after we f****d so many times that night he was still in your
