“JAMES? James.”
Dahan-dahang dumilat si James nang marinig ang pagtawag ni Dr. Silva sa pangalan niya. Hindi niya alam kung nakatulog ba siya o masyado siyang na-immerse sa pagbabalik tanaw.
“Are you okay?”
Kumurap siya at dahan-dahang nilingon ang doktor. “Bakit?”
“Ilang beses na natin napag-usapan si Laney Smith. But this is the first time you allowed yourself to really get in too deep in remembering her. At lately, napapansin kong may naiiba sa ‘yo. Mayroong nangyayari sa buhay mo na hindi mo pa sinasabi sa akin, tama ba?” malumanay na tanong ni Dr. Silva habang nakatitig sa kanyang mga mata.
Normally, naiinis si James kapag nagiging ganoon na ka-insistent ang matandang doktor. Itataas na agad ang depensa niya at gagawing magaan at pabiro ang usapan. But right now he feels so ra
