Panandalian ako doong natigilan. Hindi alam kung ano ang nararapat na itugon. Bumigat pa ang aking pakiramdam nang mabaling na ang paningin nilang lahat sa akin na tila sumasang-ayon sa sinabi ng aking kapatid. Ilang beses kong ibinuka ang aking bibig upang magpaliwanag, ngunit sa bandang huli ay isinasara ko rin iyon. Natatakot ako sa magiging reaction nila oras na aminin kong hindi si Nicko ang kasintahan ko ngayon kung hindi ibang lalake. Ayoko namang maging bad image sa kanila si Nicko, ewan ko ba. May bahagi sa aking puso na umaasa na isang araw ay muli kaming magkakabalikan, kahit na parang ang labo na rin naman noon. Ganunpaman ay hindi pa rin ako nagsalita ng kung anong laban kay Nicko. Hahayaan kong panahon na ang magsabi sa kanila ng kung anong totoo.
“W-Wait lang, tatawagan ko
