Nasa paaralan ngayon ang aking asawa na si Rain, habang ako nandito sa opisina. Simula bumalik ako galing sa mahabang pahinga at pagkukulong sa bundok ng Rizal, isang tambak na trabaho ang inasikaso ko.
May mga kliyente ako na nag balikan sa akin. May mga proyekto na gusto na nila kaagad simulan. Aminado naman ako na milyon ang ginastos ko dati dahil sa mga nasira ko na kontrata.
Ang nakakatuwa lang, pagbalik ko. Marami pa rin naniniwala sa kakayahan ko at naghihintay sa akin na mga proyekto.
“Hay! Ang pagod,” mahina na bulong ko habang lapat na lapat ang aking likod sa sandalan ng upuan.
Hinihilot ko ang pagitan ng aking mga mata habang nakapikit at inaamoy ang isang menthol na inhaler. Brand ito ng sikat na pinoy pang haplas na paboritong amoyin ni Rain.
Guminhawa ang aking pak
