ALAS-OTSO na ng umaga nang mapag-pasiyahan ni Ashlee na umuwi na sa kanilang bahay. Bago umalis ay inayos niya muna ang magulong living area ng unit ni Rafael. She wanted to do something for him.
“Hindi mo na kailangang gawin ‘yan, sweetheart,” tutol nito nang makalabas ito ng kuwarto at nakita siya. He was now wearing a dark blue pants and white shirt. Lumapit ito sa kanya at kinuha ang mga throw pillows na hawak niya at ito na mismo ang nag-ayos noon sa settee.
“I want to,” sabi niya at lumapit sa glass table. Inayos niya ang ilang magazines na nandoon at kinuha ang mga lata ng beers na nakakalat sa tabi noon. Kumunot ang noo niya nang mapansin ang isang kakaibang susi sa ilalim ng mesa. Kinuha niya iyon at hinarap si Rafael. “Para saan ang susi na ito?” tanong niya dito at ipinakita a
