MY ENEMY, MY LOVER
Written By:ShanCai♥️
“UY, TIFFANY.” Kinalabit siya ni Renz. Kahit anong gawin niyang pakikinig sa Professor ay walang pumapasok sa isip niya. Para siyang nakalutang sa alapaap at hinihintay na lamang na unti-unting bumagsak sa lupa.
“Bakit ganoon? Kulay puti ang buong paligid, ano iyon langit na?” Ilang kalabit pa ang naramdaman niya ngunit hindi pinansin. Buo ang atensyon sa nakikitang payapang paligid. “Wow, ang ganda!”
“Tiffany, uy. Uy!”
“Ahh!!!” Nasapo niya ng dibdib sa pagkagulat. Buong mukha ng lalaki ang nakita niya. “Ano ka ba naman Renz? Gusto mo ba akong magkaroon ng sakit sa puso?” Hininaan niya ang boses dahil sa matatalim na tingin ng kanilang kaklase.
“Ano ba kasi ang nangyayari sa iyo? Kanina pa ko daldal ng daldal dito tapos ang sinasabi bakit puti
