Bakit gusto siyang pakasalan ng boss ng Oxiris? Kahit na sisirin niya ang kailaliman ng utak niya ay hindi niya pa rin maintindihan kung bakit naglahad ng ganoong proposisyon ang lalaking may pinakamataas na katungkulan sa organisasyong kinabibilangan ng Tiyo Abner niya. Cuarenta y cinco anyos na ito at may anak na babaeng kasing-edad niya.
Hindi pa niya nakakaharap ang mag-ama, pero hindi naman talaga niya hinangad na makaharap ang mga ito. Sapat na sa kanya ang manatili sa ilalim ng proteksyon ng mga ito. Hindi na nga niya naisip na mag-asawa. Kuntento na siya sa buhay na kasama ang mga anak niya.
Hinding-hindi na ulit siya iibig sa lalaki.
Tanggap na niyang kagaya ng lahat sa angkan nila ay nakatakda rin siyang mabigo sa aspeto ng pag-ibig. Marahil ay sinumpa nga silang talaga. Pero
