Nang pukulin ni Lyrica ng solidong vase ang likod ng ulo ni Morris ay nawalan ng malay ang lalaki. Or maybe he didn’t entire lose consciousness, pero sapat na ang saglit nitong panghihina para makatakas sila ng mga bata at makalabas ng hotel. Masuwerte nang wala siyang may nakasalubong na mga miyembro ng Kratos o mga tauhan ni Morris, dahil baka nakaladkad na siya pabalik ng hotel room. Baka rin naipasok na siya sa sasakyan ng mga ito, kasama ang kambal at si Nana Mira.
Oras na mahuli sila ni Morris ay kulungan sa piling nito ang bagsak nila.
Tiyempo ring paglabas niya sa pinaka-entrada ng hotel ay nakaantabay na ang sasakyan ng Tiyo Abner niya. Nasa tapat iyon ng matayog na gusali. Sadya pala siya nitong inaabangan, dahil nag-aalala ito sa kanya. Lalo na dahil pagkatapos ng maikli nilan
