[ALTHEYA]
MALAKAS NA pagsinga sa panyo ang aking narinig galing sa babaeng kasalukuyang nakaupo sa tabi ko. Siya ang babaeng tinulungan ko mula sa mga kukuha sana ng kaniyang pera. Hindi niya kasi inaasahan na may tutulong sa kaniya kaya naman grabi na lang ang kaniyang pag-iyak.
“M-Maraming s-salamat sa ‘yong pagtulong. K-Kung h-hindi ka dumating baka napunta na sa kanilang tatlo ang perang pinaghirapan ko na pangbili ko ng gamot ni nanay,” nauutal na wika niya saka tumingin sa direksiyon ng tatlo niyang schoolmates na ngayon ay nakataling magkakasama at wala pa ring malay hanggang ngayon.
Tinali ko silang tatlo gamit ang taling nakita ko lamang sa gilid ng basurahan na katabi ang mga nagamit ng kahon para hindi sila makatakas at kung magising man sila ay matauhan sila sa kanilang gin
