KAUUPO pa lang ni MJ nang biglang may lumapit sa kanya.
“Good afternoon, sir!”
Napapitlag pa siya nang mapansin na si Lyrica pala iyon.
“What the hell! Bakit ka ba nanggugulat?” Napahawak pa si MJ sa kanyang dibdib habang nakatitig kay Lyrica.
“Huh? Nagulat kayo, sir? Naku! Sorry po. Hindi ko alam na magugulatin pala kayo.” Napakamot ng kanyang ulo ang babae.
Sinenyasan ito ni MJ. “Lumayo ka nga sa akin. Nakakatakot ka.”
“Ay! Ano ba naman iyan, sir? Bakit n’yo naman sinasabing nakakatakot ako? Wala naman akong ginagawa sa inyo, ah.” Napanguso pa ito.
Napalunok naman si MJ. Nagsirko pa yata ang puso niya sa loob ng kanyang ribcage. Para naman nanunukso kasi si Lyrica sa nakausli nitong labi. Naakit siyang lamukusin ito ng halik. Pero hindi puwede.
“Nakita mo na ba iyong sarili mo s
