MAGKASUNOD na bumalik sa kuwarto sina Lian at MJ. Ngunit eksaktong makapasok na sila sa loob nang biglang tumunog ang cellphone ni MJ kaya nagmamadaling kinapa niya ito sa kanyang coat na nakasampay sa balikat niya.
Sinilip niya ang caller ID. Galing kay Jak ang tawag. Kaibigan niya ito na nakilala lang niya noong pumasok siya sa SEAL. Sa pagkakaalala niya nagpaiwan ito sa headquarters nila. Hindi ito umuwi ng Pilipinas tulad niya at ng iba pa nilang kasama na nagbakasyon din.
Twelve hours ang time difference nilang dalawa kaya nakapagtatakang tatawagan siya nito sa ganitong oras. After lunch pa lang sa lugar ni Jak samantalang madaling-araw naman sa Manila.
Anong trip ng lalaking ito at tinatawagan siya sa ganitong oras?
“Sasagutin ko lang itong tawag, ha?” paalam niya kay Lian nang i
