INABOT na ng hatinggabi bago natapos ang pag-uusap nina Lian at Vhickai. Hindi niya hinayaaan na matulog habang umiiyak ang kanyang sekretarya. Kinausap niya ito nang masinsinan. Pinakinggan niya ang buong kuwento nito kaya gano’n sila katagal na nag-usap.
Nang masigurong tulog na ang kanyang sekretarya saka pa lang pumikit si Lian. Ngunit wala pang limang minuto ang nakalipas nang biglang tumunog ang kanyang cellphone. Kinapa niya ito sa ilalim ng kanyang unan.
Nang tinggnan niya ang caller ID, pangalan ni MJ ang nakarehistro. Agad siyang tumayo at dahan-dahang lumabas ng kuwarto. Binuhay niya ang ilaw sa hallway saka dumiretso sa may hagdan. Umupo siya sa may pinakamataas na baitang saka niya sinagot ang tawag.
“Hello! MJ bakit hindi ka pa natutulog? Gabi na. Magpahinga ka na. Matutul
