“SIR? May problema po ba?”
Hindi sumagot si MJ. Pinasadahan lang niya ng tingin si Lyrica. Maayos na ang mukha nito at pananamit. Iyong buhok na lang nito at salamin ang problema. Naka-pilipit pa rin ang buhok nito kaya nagmumukha itong nerdy high school student sa katawan ng dalaga lalo na at may kipkip pa itong organizer at folder.
Napailing-iling siya sa kanyang naisip.
“Sir? Kinakausap ko po kayo pero hindi ninyo ako sinasagot,” nakasimangot na saad ni Lyrica.
Inalis niya ang tingin dito nang mapansin na bumukas ang pinto at pumasok si Vhickai. “Mauna na kayo sa conference room. Susunod na ako,” utos niya habang isa-isang isinasara ang mga nakabukas na file sa kanyang laptop.
Mula sa peripheral vision niya, nakita niyang lumapit si Vhickai kay Lyrica.
“Okay, sir. Let’s go, Lyrica
