Cintha
Mas gumaan ang loob ko habang nakikinig kay Timothy. Magaling siyang mag-motivate ng mga bata at kahit ako ay nabubuhayan din ng loob. Hindi madali na maka-recover mula sa paglamang ng kalaban lalo kung sinisisi ng isang manlalaro ang sarili niya. Pero kasama ito sa proseso na kailangang pagdaan sa isang laro para mas maging magaling na player.
"Hindi ka ba naiinis na naka-score ang kabilang team?" tanong ni Cess at pinunasan ng tuwalyita ang mukhang pawisan.
"I'm excited actually,” kaswal na sagot ni Timothy at uminom ulit sa nangangalahati nang plastic ng ice tubig.
Ikiniling ni Dodong ang ulo. “Bakit ka po nae-excite, Kuya?"
“Kapag mas magaling ang kalaban, mas nakakagana na maglaro. Matututo ka sa magagaling na players at team. Mao-obserbahan mo rin sila kung paano sila
