Cintha
“Mahal daw niya si Dara. Ibig sabihin magkaribal tayo?” paasik na bulong ni Didang sa akin habang nakaabang sa labas ng van. ‘Di agad kami pumasok dahil hinihintay pa ang nurse ni Madam na gumamit ng restroom.
Saka ko lang napansin na masama ang tingin ng kaibigan sa akin. Narinig pala nito ang usapan namin ni Timothy.
“Paano tayong naging magkaribal? Di naman ako si Dara. Patay na ‘yung tao.”
Humalukipkip ito. “Paano kung kailangan mong magpanggap na nagmamahalan kayo?”
“Sira! Magtigil ka nga.” saway ko sa kaibigan. ‘Di naman siguro aabot sa ganoong punto na kailangang magpanggap na sobrang close kami ni Timothy. Gaya ng sinabi nito, best friend lang nito si Dara at hindi naman ex-girlfriend.
“Basta hindi mo siya type?” paniniyak ni Didang at sumibi.
“Hindi nga. Kulit nit
