"TIGIL!" Sigaw ni Sarhento Wenceslao sa holdaper na hinabol. Nakatutok ang baril niya sa lalaki nang ma-corner ito sa dulo ng eskinitang tinakbuhan.
"Huwag mo kong subukan, bata. Isang hakbang pa, o kahit kaunting galaw lang, sisiguraduhin ko sa'yong kakalat ang utak mo sa pader na 'yan."
Hindi na nga kumilos ang lalaking nakatalikod. Mga mata na lamang nito ang gumagalaw upang maghanap ng posibleng madaanan upang makatakas.
"Lagay ang mga kamay sa batok kung ayaw mong makipag- eye ball kay Kamatayan! Sayang ang bala kung magwa-warning shot pa. Ipuputok ko na lang agad sa ulo mo para tapos na. Natitiyak kong gumagamit ka, at malamang, may dala ka pang reserba. Pagtimbuwang mo, makikita ko 'yan sa loob ng bulsa mo. Kaya absuwelto ako sa pagtira sa'yo. Madali nang palabasing nanlaban ka
