-Sammy-
Sa maliit na tindahan ay tumutulong ako sa pagtitinda dito sa harap ng aming bahay. Ang Inay at Itay ko ang umaalis patungo sa bayan para mamili ng mga sariwang karne. Ang mga manok ay buong kinukuha at dito na lang hinahati lalo na kapag may bibili. Hindi ako marunong sa paghahati ng manok kaya ang Itay ko ang gumagawa. Pagtitimbang at pagsusukli lang talaga ang ginagawa ko. Kahit paano ay marami ang bumili sa amin. Kaya bago pa magliwanag ay nagtitinda na kami. Magsasarado kapag tanghali at pagpasado alas tres na ng hapon ay saka kami magtitinda ulit hanggang sa wala ng bumili sa gabi.
“Malaki din pala ang kita ng ganito Itay. " binibilang ko kung magkano ang kinita namin ngayong buong araw.
“Oo, hindi ko inaasahan ang ganito. Balak ko rin sanang dagdagan ng mga gulay at isd
