CHA’s POV
Nakadalaw pa sina Mel sa hospital bago ako lumabas. Tulad ng napag-usapan ay sa bahay nila ako tumuloy. May pa-welcome home pa sila sa akin. Wala si Tor. Walang pasok ngayon kaya nandito sila. Hinanap ng mata ko si Tor pero sadyang wala siya. Tumuloy kaya siya sa paglipat ng tirahan.
Sina Mommy Bea at Daddy Hector ang kasama ko sa pag-uwi. Sila ang nagbayad ng hospital bill ko. Ilang araw na rin sila rito. Pabalik-balik sa hospital para bantayan ako. Tumayo talaga silang pangalawang magulang ko.
“Welcome home, Cha!” sabay-sabay nilang sambit.
“Maraming salamat po sa inyong lahat lalo na po sa inyo Mommy Bea at Daddy Hector. Salamat din po kay Tor.” Nahihiya kong sambit. Isinali ko na si Tor dahil kung hindi naman dahil sa kanya, hindi ko alam kung saan na ako ngayon.
“K
