Chapter 17
"Tao po! Nandiyan po ba si Yaya Fe este si Felicidad Cruz?" tanong ni Wallace.
Si Wallace na ang kumausap sa isang lalaking abalang nagwawalis sa bakuran ng bahay nito. Sa pagharap ng lalaki ay namangha siya ng makitang sobrang ganda ng mga mata nito. Asul na asul ang kulay ng mga mata nito.
Nandito na sila sa harapan ng bahay ng kanyang Yaya Fe na sinabi sa kanila ni Carl. Imbes na ang batang si Carl ang tumawag kay Yaya Fe ay siya na ang nagprisintang tumawag dito.
Gustong makita ni Wallace ang reaksyon ng kanyang yaya kapag nakita na siya nito. Sa pagdating nga nila sa bahay nito ay meron silang nakitang isang matangkad at bruskong lalaking nagwawalis sa bakuran ng bahay nito.
Sinabihan siya ni Carl na ang lalaking nakikita nila ngayon ay ang asawa ng kanyang Yaya Fe
