Apat na oras palang sina Liam na nasa park ay uwing-uwi na siya. Hindi niya alam kung bakit pero bigla nalang siyang kinakabahan. At si Celine agad ang una niyang naisip. Sinubukan niyang tawagan ito kanina pero out of coverage.
"Tay!" Tawag ni Liam sa Tatay na humahabol-habol sa mga kalapating nasa park.
Agad naman na lumapit ang tatay sa kanya na hinihingal. Mas pawisan pa nga ito kaysa kay Tamtam. Siya naman ay naka-upo lang sa may bench habang binabantayan ang anak.
"Ano?" Parang inis na na sagot ng tatay niya. Mukhang nabitin ito sa laro. "Kita mong nag-eenjoy pa ang tao, eh. Panira ka talaga kahit kailan."
Kung sana ay hindi lang sana kinakabahan ang binata ay baka tawanan niya pa ang Tatay dahil sa pagdadabog nito. Pero masama talaga ang kutob niya, eh. Unang beses na kutuba
