ISANG LINGGO na ang nakakalipas simula ng magdesisyon siyang iwasan ng tuluyan si Jaden. Sa tuwing lumalapit sa kanya ang binata ay napipilitan si Krisha na pakitunguhan ito ng malamig. Minsan kapag nakakasalubong niya ito ay hindi niya ito pinapansin. Nasasaktan siya sa ginagawa niya pero kailangan tibayan ni Krisha ang loob. Ayaw niyang dumating ang araw na malaman ng Daddy niya ang tungkol sa damdamin niya para kay Jaden at ilayo dito. Mas nanaisin pa niyang makita ito sa malayo at lihim na mahalin kaysa hindi ito makita ng tuluyan.
Pero hindi matiis ni Krisha ang mag-alala lalo na at dalawang araw na magkasunod na itong hindi pumapasok. Gusto niyang i-text ito pero pinigilan niya ang sarili. Nang matapos ang klase ay agad siyang lumabas ng classroom. Pupunta
