NAPALINGON si Krisha kay Jaden matapos siyang dalhin nito sa isang Playground na matatagpuan sa isang park malapit sa bahay nila Jaden. Nang lumingon siya sa paligid ay medyo may kalumaan na iyon. Tila napabayaan na ang lugar na iyon pero hindi niya maipaliwanag kung bakit ang kalumaan ng lugar na iyon ang nagbigay ng ganda sa paligid.
“Anong ginagawa natin dito?” tanong pa niya sabay lingon sa paligid. Nang mga sandaling iyon, walang mga batang naglalaro doon.
“I just thought you need a quiet place. Kapag naiinis ako o magulo ang isip ko, dito ako palaging pumupunta. This place gives me happiness. Kapag nandito ako, nakakalimutan ko ang problema ko. The next thing I knew, I’m already smiling,” paliwanag ni Jaden.
“Paano mo nalaman ‘to?” tanong
