MANGHANG mangha si Mila sa nakikita sa buong paligid sa magarbong bahay nila Raven. Pangalawang beses na siyang nakapunta rito. Pero ngayon lang niya nakita ang buong paligid nito.
"Hello, hija," bati ng Mommy ni Raven kay Mila. Tumango naman si Mila at ngumiti sa ginang.
"Ito na ba ang apo ko?" tuwang tuwa na tanong nito at kinuha si Baby Mira kay Mila.
"Kay gandang bata naman nito. Tingnan mo, honey. Ang apo natin," buong pagmamalaki na sabi nito sa asawa.
Umakbay si Raven kay Mila. Saka nakangiting tumingin dito.
"Hijo, siya ba ang mother ng anak mo? Bakit parang ang bata pa niya?" punang tanong ng Daddy ni Raven.
"Dad," saway nito sa ama at muling tiningnan si Mila. Nginitian lang siya nito na parang hindi naman sumama ang loob.
Andoon din si Susie na nakatingin lang kina Raven
