Isang malalim na buntunghininga ang pinakawalan ni Shanaya bago tumuloy sa silid niya. Pero bago pa siya makapasok sa pinto ay nagsalita na si Anya -- na inaasahan niya.
"Ang lakas talaga ng inggit mo sa 'kin, ano?" Nakasandal pa si Anya sa dingding dala ang nakaiinis na ngiti. "Pati lalaking iniwan ko, hindi mo pinalampas."
Tumaas ang kilay niya sa inis. Totoong malaki ang inggit niya sa kapatid, pero dahil lang sa pagmamahal ni Vivian ang ikinaiinggit niya. Habang si Anya ay malaki ang inggit sa kanya sa maraming bagay.
"Excuse me, Anya, I didn't know you were his ex-girlfriend. And even if I knew it then, why would I care?"
"Wala kang pakialam gayung magkapatid tayo? Nasaan ang delicadeza mo?"
"Hindi ako nakiapid sa kanya, Anya! Matagal na kayong wala ni Danzel!" inis niya
