"Nariyan na ang mga bata, hindi pa ba kayo bababa?" tanong ni Danzel sa kanya habang sinusuklayan niya si Dean. Nasa kama naman si Devon na ngayon ay tatlong buwan na. Dumating kasi si Laurenti mula sa Amerika at naisipan nitong magpa-children's party para sa mga pamangkin.
"Mauna na kayo ni Devon, magsasapatos pa 'tong unico iho mo."
"Anong unico iho? Gagawa pa tayo ng marami," biro ni Danzel na alam niyang totoo. Pangarap pa nga nitong magkaroon din ng kambal katulad ng panganay ni Duncan at Layla kung hindi lang nito iniisip na baka mahirapan siyang magbuntis.
"Oo, sige na... Siguraduhin mo lang na iisa lang ang panganay mo. Huwag na huwag kang titingin sa iba."
"I will never. Mamamatay at mabubuhay ako na ikaw lang ang paglalaanan ko ng sarili."
Matamis na halik ang isinukli niya
