Warning: SPG ahead
Shangri-La Hotel. Paris, France.
Halos gabi na nang dumating sila sa hotel at busog na busog ang mata niya sa magagandang tanawin sa sikat na siyudad na 'yon. Kung kasama nila si Elize ngayon ay tiyak niyang matutuwa rin ito sa dami ng mapupuntahang boutique ng mga branded na damit at sapatos. Pero mas gusto ni Danzel na silang dalawa lang ang bumiyahe dahil ipinipilit nitong ito ang second honeymoon nila.
Dahil sa pagod sa byahe ay mas gusto niyang matulog kung tutuusin. Ilang gabi na din kasi silang puyat na nakakauwi dahil sa ipinamamadaling laboratory ni Danzel at iba pang trabaho sa Shan La Fragrance. Mula nang magsimula siyang mag-concentrate sa pagtulong sa asawa ay mas naging agresibo si Danzel na palakihin ang kumpanya nila kahit nagsisimula pa lang ito
