Athena
Hindi mapalagay ang puso ko simula ng ideklara ni Enzo kung sino ang lucky girlfriend nya ngayong buwan. Hindi ko alam kung bakit ganito ang nararamdaman ko.
Dapat ay masaya ako dahil malaya na ako. Dapat ay maligaya ako dahil si Ethan ang kasama ko ngayon, pero bakit ang hirap maging masaya?
Nakabalik na kami sa aming classroom pagkatapos naming kumain sa cafeteria. Hindi ko nakita doon sina Enzo at Alodia. Hindi ko alam kung saan sila kumain. Ang balita ng ibang estudyante ay lumabas sila ng University.
Malamang ay dinala nya ang kaibigan ko sa isang sikat na restaurant malapit dito. Kapag naging boyfriend mo ang isang Enzo ay ipaparamdam nya sayo kung gaano ka espesyal sa kanya. At sa palagay ko ay ito na ang nararanasan ngayon ni Alodia.
Napansin ko na mag-isang nakaupo si
