"At sa tingin mo maniniwala ako, Amanda?" galit na tanong ni Jordan, hindi mapakali sa harap ko, parang sinusuri ang bawat salita ko.
"At sa tingin mo may pakialam ako kung maniwala ka o hindi?!" pabalang kong sagot, hindi nagpapatalo sa titig niya. Wala akong balak magpaliwanag pa sa kanya, lalo na sa puntong ito.
Lumapit siya, ang kanyang mukha halos ilang pulgada na lang ang layo sa akin. "You’re lying. Alam kong may tinatago ka," aniya, ang boses mabigat, puno ng pagdududa at galit.
Ipinilit kong hindi matakot. "Kung ganun, anong gusto mong gawin ko, Jordan?" galit kong tugon. "Gusto mo bang aminin ko na lang ang gusto mong marinig? Kahit pa sabihin ko ang totoo, hindi mo ako kailanman maiintindihan!"
Tila natigilan siya sa mga sinabi ko. Nakatingin lang siya, halatang naguguluhan,
