GEORGE
Hindi ko yata magawang makapag-concentrate lalo na at nasa harap ko lamang siya at katabi si Syro. Simula kasi ng nagsimula kaming mag-ikot ay hindi na umalis sa tabi niya ang anak ko. Ngayon nga at nakikita ko itong nakahilig ang ulo sa braso ni Syke.
Kapag napapasulyap ako sa gawi niya para tingnan si Syro ay hindi maiwasang nagkakasalubong kami ng tingin. Nawawala tuloy ako sa focus kaya minsan ay nauutal o nabubulol ako. Sana lang ay hindi nito mahalata na hindi ako komportable na nasa malapit siya.
Buong byahe ay nakatutok siya sa akin habang nagsasalita ako sa harap. Hindi ko alam kung interesado ba siya sa mga sinasabi ko o talagang gusto lamang niya akong titigan. Puno naman ng lungkot ang mga mata nito. Ngunit para saan ang lungkot na iyon?
Ginusto naman niyang magka
