GEORGE
"George," tawag sa akin ni Kuya Giro ng akma kong bubuksan ang pintuan ng kuwarto ko.
Pumihit ako paharap rito. "Bakit, Kuya?" tanong ko.
"Bilang nakatatandang kapatid mo, masaya ako dahil sa wakas ay may bumihag na rin ng puso mo. Una pa lang naming nakita si Syke ay naging magaan na ang loob namin sa kan'ya. Alam ko na siya ang unang lalaking minahal mo. Pero gusto ko lang na ipaalala sa'yo na huwag mong ibibigay ang lahat ng pagmamahal mo para sa kan'ya. Magtira ka ng para sa sarili mo dahil kapag nasaktan ka, sa huli, ikaw ang talo. Kapag nasaktan ka, kami ang mas higit na masasaktan," mahabang litanya nito.
Hindi ko napigilan ang sarili na yakapin ito. Sa apat na kuya ko, ito ang hindi ko masyado makasundo dahil parati na lang ako nitong inaasar. Pero ito siya ngayon, bi
