Nakauwi na si Karissa sa bahay nila at nakaupo sa living room. Nakatingin lang siya sa bag ni Adi tapos sa cellphone niya. Hinihintay niya kasing tumawag ito. Nag-aalala rin siya kung ano ang nangyari sa binata.
“Anak?” tawag pansin ng ina niya. Nilingon naman niya ito.
“Kanina ka pa nakatingin sa bag ni, Adi ah. Baka may balak kang masama riyan,” saad niya. Kaagad na kumunot ang noo niya at natawa.
“Wala Ma, umalis kasi siya kaninang tanghali dahil may emergency sa kanila. May sakit ang Mommy niya,” sagot niya. Napatango naman ang ina niya.
“Kung nag-aalala ka puntahan mo siya,” suhestiyon nito. Napaisip naman siya. Alas-sais na rin ng gabi. Ilang sandali pa ay nag-text ang binata sa kaniya.
“I’m home,” basa niya. Ngumiti siya at kinuha ang kaniyang bag.
“Al
