"ANONG SABI MO, Riley? Totoo ba iyong narinig kong sinabi ni Dash kina Dein?" tanong ni Aidan sa kanya. Katabi nito si Neo nakahawak sa braso nya.
Wala siyang ideya kung paano nalaman ni Aidan ang matagal na niyang nililihim na iyon. Tanging si Dash lang ang napagsabihan at base sa sinabi ni Aidan, sinabi ni Dash kay Dein ang bagay na iyon kaya nito nalaman.
Ngayon, lahat ng mga kaibigan niya ay nandito lahat sa kwarto niya. Si Aidan, galit at kinokompronta siya.
"Aidan, hayaan mo na nga. Bukas na kayo mag-usap. Pare-parehas tayong nakainom!" bakas sa mukha ni Neo na hindi na sya natutuwa sa kaibigan at masamang tiningnan si Dash.
Ganoon na lamang ang kaba nya dahil hindi naman nya aakalain na mauuwi sa ganitong usapan ang pool party na plinano nilang magkakaibigan. Dapat masaya lang s
