"Anak, na saan na ang mga manliligaw mo? Bakit hindi mo sila pinapasok dito sa loob ng bahay natin?" tanong sa akin ni inay nang makasalubong ako.
"Ah. . .Eh. . . pinauwi ko na po sila," sagot kong nakangiwi.
"Ha! Bakit naman Rosana? Sayang naman dahil pagkakataon mo na iyon upang magkaroon ka ng nobyo!" palatak sa akin ni inay.
"Inay, huwag kang mag-alala dahil babalik naman sila. Kaya ko lang naman sila pinauwi dahil puro mga bulaklak ang dala-dala nila sa akin. Eh, hindi naman iyon makakain, 'di ba inay?"
"Ano naman ang gusto mong dalhin sa 'yo ng mga manliligaw mo, anak?"
"Hmm! Bigas, bahoy, manok at papaya, inay," pag-amin ko sa aking ina.
Nakita kong napatda si Inay sa mga tinuran ko. Hindi siguro makapaniwala sa aking mga pinahayag.
"Kaya walang lalaki ang nanliligaw sa 'yo
