"Dianne?" hindi makapaniwalang sabi ni Earl gayong inaasahan niyang darating ang araw na iyon.
Sandali pang nanatili ang katahimikan sa paligid. Hanggang sa hindi na napigilan pa ni Aleng Eden ang emosyon nito.
"Anong ginagawa mo rito, hah?" inis na tugon ni Aleng Eden. Habang mabilis naman na pinapasok ni Earl ang kaniyang anak sa loob.
Buong akala ni Aleng Eden ay magagawang paalisin ni Earl si Dianne, dahil na rin sa pagtatago niya sa kaniyang anak subalit natigilan ito sa sinabi niya. "Maiwan mo na muna kami, ma." Sa pagkakataon na 'yon ay kapansin-pansin ang galit sa mga mata niya. At kamukat-mukat ay tuluyan na ring umalis sina Ellie at Ronnie matapos masaksihan ang pagiging kalmado niya.
Doo'y nakita niya ang nangangalong mata ni Dianne, na kahit hindi niya alamin ay batid niyan
