TULUYAN nang lumabas ng kaniyang sasakyan si Hellmohr nang makarating na nga siya sa kaniyang bahay. Gusot na gusot ang kaniyang suot na polo habang nakabukas pa ang unang apat na butones no’n dahil nga sa nangyari sa pagitan nilang dalawa ni Zari kanina sa kaniyang opisina. Ngunit kahit ganon ay hindi na siya nag abala pa na ayusin ‘yon sapagkat magpapalit na rin naman siya ng kaniyang damit pag nakaakyat na siya sa kaniyang silid. Nandoon pa rin naka bantay ang kaniyang mga tauhan sa paligid ng kaniyang bahay habang naglalakad na siya ngayon papasok sa loob ng kaniyang bahay.
Hindi niya alam kung bakit pero buong akala niya ay maabutan niya si Belle sa sala ng kaniyang bahay katulad ng laging nangyayari sa tuwing umuuwi siya galing sa kaniyang opisina tuwing gabi. Hindi man siya sanay s
